البذخ يطال شفاطات المتة !

شفاطات بأحجام كبيرة وأسعار “معقولة” , تم إكتشافها لدى البائع ومحاكمته بتهمة إحتكار الشفاطات عن العامة

كنت أتوقع أشياء كثيرة في الحياة , أتوقع أن أمشي في الشارع وتسقط فوق رأسي علبة مندرين كولا , أتوقع أن قشور البزر سوف ترافق الكولا , أتوقع أن فيلم 2012 (قصة الفيلم) سيتحقق , أتوقع أن الناس كلها ستترك الدايل أب وتمتلك (دي أس أل) , أتوقع أن الحفريات في حارتنا لن تدوم أكثر من خمسة دقائق لجهد شباب البلدية الملثمين , أتوقع أن يخرج أحد الشيوخ ويبهرنا بفتوة عن المثليين جنسيا ً .

أتوقع أشياء كثيرة كأن يصبح التكلم لساعات وساعات في الموبايل مجاني (بالنسبة لـ MTN و سيرياليل) , أتوقع أن المال سينقرض ويصبح كل شيء بالمجان , أتوقع أن تنتقل شركة Google إلى سورية وتحديدا ً (منطقة المرجة) , أتوقع أن يغني زياد الرحباني مع علي الديك في أحد الأيام أما ما لا أتوقعه هو أن يطال البذخ “شفاطات المتة” .. نعم لا تستغرب البذخ وصل إلى شفاطات المتة فمنذ يومين أخبرني أحد أصدقائي أنه وجد بدمشق (وربما بسوق الحميدية) شفاطات متة ذات أسعار مغرية تبدأ بـ 12 ألف ليرة سورية أي ما يقارب 260 دولار وما يعطيها هذا السعر الخيالي هو الحجرة المثبتة عليها وكل ٌ حسب نوعه , إضافة إلى ذالك التفنن بصناعتها فهنالك شفاطات مصنوعة من الألمينيوم وهنالك شفاطات مصنوعة من النحاس (لا أعلم إن كان هنالك من ذهب !) , كيف طالت حياة البذخ ووصلت إلى شفاطة المتة .. يا عمي اتركونا نتهنى فيها ضروري نتحسر على شفاطة بسعر أغلى  ربما بعد أيام سأسمع عن خبر اكتشاف شفاطة أثرية كان يشرب بها توت عنخ آمون .

إقرأ أيضا ً :

أنا والمتة

الأوسمة: , , , , , , , , , ,

12 تعليق to “البذخ يطال شفاطات المتة !”

  1. TarepSH Says:

    عنجد تدوينة حلووووووووووووة وانا عم اقرءها فرطت ضحك 🙂 🙂 🙂 🙂

  2. همام Says:

    هي الظاهرة موجوده عنا وتحديدا بمنطقه القلمون اكثر العائلات يتفاخرون بعدت المتة ويصل اسعار عده المتة لاكثر من هذا المبلغ ان كانت من الفضة نحنا اعتقادنا انه المته اصحابها من الساحل ولكن اهل المتة هم اهل القلمون تتم الضيافه بكاس واحد لكل الضيوف دليل المحبه والتواصل الصميمي بس انه ؟؟؟؟؟ أتوقع أن الحفريات في حارتنا لن تدوم أكثر من خمسة دقائق لجهد شباب البلدية الملثمين هاد الشي من المعجزات

  3. Kenan Alqurhaly Says:

    شبها المصاصة أم ال 15 ليرة
    والله القيمة بماص وليس الممصوص 🙂
    ومنشان الأخ همام بحب أكدلوا أنو أهل المتة القملون والساحلون وكل من يمصمصون مع تحياتي وتقديري لأهالي القلمون والسويدا السباقون الى التواصل الأخضر

  4. uramium Says:

    بشر هذا تصرف طبيعي ، بتلاقي مثلاً عيلة بريطانية محتفظة بطقم أدوات مائدة فضي، أو سعودية عندها مصب قهوة عربية مطلي بالذهب ، أو عدة شاي صيني حقها هديك الحسبة بسبب نوع وعراقة الخزف المعمولة منه، مشان هيك ممكن تلاقي مصاصة متة فضية عليها حبة عقيق أو زبرجد أو فيروز، بس هي مابتكون تصنيع سوري ، غالباً لاتينية.

    بتعرف .. خطر ببالي مشروع ، ليش ما بننشئ معمل مصاصات متة Disposable؟ خصوصاً بظل ارتفاع الاهتمام بعادات غذائية صحية بمقاييس أعلى وبنفس الوقت ظهور جيل شريبة متة برجوازي؟

    • بشر Says:

      اممممم مصاصات اممممم !!! الشغلة بدها تمويل خصوصا ً إذا في أفكر تطوير للمصاصات متل إضافة ضوء على الشفاطة يضيء كلما بتسحب من المتة , أو جهاز GPS يحدد وين عم تشرب متة 😀 !

  5. Roula Says:

    هه وليش لحتى ما يوصل البذخ لمصاصة المته؟ على راي المثل” يلي عندو قرش محيرو بشتري حمام وبطيرو” على كل حال انا لهلا ما دقت المته وطبعا لي الشرف ازا بتعزمني على فنجان 🙂 بتشربو بالفنجان ما؟؟ وسعد مساك بشر ومسا الجميع

  6. سالم11ry Says:

    والله يا ابن عمي لسا ما شفت شي رح يجي اليوم يلي يوصل البذخ فيه للهوا يلي عم نتنفسو كمان!!!!!!!!!!! اخ والله قربت!!!!!!!!!!!!!

  7. firasoo Says:

    هلأ قولتك اللي بدو يشتري مصاصة بـ 12 ألف ، معقولة يشرب فيها مثلاً ؟ 🙂
    اللي يخلي المصاصة السكودا ام العشر ليرات ذخراً للمواطن

  8. نور Says:

    تدوينة لذيذة كتيير تعليقاتها على أظرف ضحكت من ألبي أنا وعم أقرأها
    كل توقعاتك رهيييييييبة وببشرك انها مارح تتحقق (:
    اما بالنسبة لموضوع المتة كل شي وارد , عنا بالقلمون متل ماآل همام اخو اختو اللي بدو يجيب أفخم عدة متة ويصمدها وبيستخدمها احيانا في أزمات الضيوف
    ايييييه سيدي كيف ماكانت المهم يتهنى المواطن بكاسة متة متل العالم أبل مايلحقها البل هيي التانية
    تحياتي

  9. amin assrha Says:

    احلى كاسة مته اذا كنت رايق او معصب اوتعبان او سهران واحلى مافيها عند الصبح مع صوت فيروز بتنشط الجسم وتعطيه حيوية وصفة محب زورو موقعنا http://www.ameenco.com زورو موقعنا حتى تتمتعو بلنظر الى اجمل ما صنع من انواع مصاصات المته ضمن الجمهورية العربية السورية

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: